ბლოგი

გაიხსენეთ ყველა შეგრძნება, რომელსაც განიცდით განსაკუთრებით უსიამოვნო, თუმცა გადაუდებელი და აუცილებელი საქმის გაკეთების პროცესში. პირველ რიგში, მაქსიმალურად ცდილობთ გადადებას, იმიზეზებთ ყველაფერს რაც შესაძლებელია და არც არის შესაძლებელი, ეძებთ შედარებით მარტივ გამოსავალს, თუმცა დრო არასოდეს იცდის.

რა გავლენა შეიძლება ჰქონდეს ამ ყველაფერს თქვენს პერსონალურ თუ პროფესიულ ზრდაზე? როგორც აღმოჩნდა, საკმაოდ უარყოფითი.

80-ზე მეტი წიგნის ავტორი, ტრენერი, კონსულტანტი, გაყიდვების ნამდვილი გურუ, ბრაიან თრეისი გვიზიარებს 21 უნიკალურ ხერხს იმისთვის, რომ არ გადავდოთ საქმე და გავაკეთოთ მეტი, ნაკლებ დროში.

მართალია წიგნი ნებისმიერი პროფესიის ადამიანს გამოადგება, თუმცა კომუნიკაციების სპეციალისტისთვის განსაკუთრებით მნიშვნელოვანია: დროის მენეჯმენტი, საქმის შესრულების დაგეგმვისა და იმპლემენტაციის ზუსტი კონტროლი.

წიგნის ავტორი შესავალშივე გვეუბნება, რომ ადამიანს არასოდეს აქვს საკმარისი დრო იმისათვის, რომ გააკეთოს ყველაფერი, რასაც გეგმავს. სწორედ ამისთვისაა საჭირო პრაქტიკული აზროვნება და პროდუქტიულობის გაზრდის ხერხები.

1. განსაზღვრეთ თქვენი მიზნები და ჩამოწერეთ თვალსაჩინოებისთვის.
2. შექმენით მათზე სამუშაო გეგმები.
3. ფოკუსირდით თქვენი დავალებების ყველაზე მნიშვნელოვან 20%-ზე.
4. იაზროვნეთ ხანგრძლივი დროის პერსპექტივაში, იმისთვის რომ გადაწყვეტილებები მოკლე-დროში მიიღოთ.
5. გადადეთ საქმეები ჭკვიანურად.
6. გამოიყენეთ A (უნდა გავაკეთო) B (საჭიროა გაკეთება) C (კარგი იქნება გაკეთება) D(საჭიროა სხვებისთვის დელეგირება დავალებების) E (უსარგებლო დავალებები) მეთოდი.
7. ზუსტად განსაზღვრეთ რა საქმეზე ხართ პასუხისმგებელი
8. როცა მუშაობის დროა, იმუშავეთ
9. მოემზადეთ მუშაობისთვის, მუშაობის დაწყებამდე
10. კონცენტრირდით ერთ დავალებაზე
11. განივითარეთ უნარები
12. გამოიყენეთ თქვენი ძლიერი მხარეები, განსაკუთრებული შესაძლებლობები
13. განსაზღვრეთ რა გაფერხებთ
14. იპოვეთ მოტივაცია
15. გამოიყენეთ ენერგიის მაქსიმუმი (განსაზღვრეთ, დღის რომელ მონაკვეთში ხართ განსაკუთრებით პროდუქტიული და მნიშვნელოვანი დავალებები ამ დროისთვის შემოინახეთ)
16. გახდით ოპიმისტი
17. ნუ მისცემთ ტექნოლოგიებს უფლებას, წაგართვან დრო
18. დავალებები დაშალეთ ყველაზე პატარა კომპონენტებად
19. განსაზღვრეთ დღის განრიგი დავალებების შესასრულებლად
20. იპოვეთ თქვენი დინება (გახდით ის პიროვნება, რომელიც ყველაფერს სწრაფად და დროულად აკეთებს)
21. იმუშავეთ დავალებაზე მის დასრულებამდე

ეს არის ის 21 კომპონენტი, რომელიც შესაძლოა რთულად შესასრულებლად მოგეჩვენოთ, თუმცა რეალურად, გაცილებით მარტივი და ეფექტურია, ვიდრე დროის ფუჭად ხარჯვა და საქმის გადადებაა. პრინციპი შემდეგში მდგომარეობს: აუცილებელია განსაზღვროთ თქვენი მიზანი, მის მისაღწევად გასასვლელი გზა კი მცირე ნაბიჯებად დაყოთ. ამის შემდგომ იპოვოთ ყველაზე ეფექტური გზები “ბაყაყის შესაჭმელად”.