სამეცნიერო კონფერენცია

სამეცნიერო კონფერენცია

უნივერსიტეტ ალტერბრიჯის ყოველწლიური სამეცნიერო კონფერენციის მიზანია ხელი შეუწყოს სამეცნიერო/კვლევითი საქმიანობის განვითარებას საქართველოში. კონფერენცია ემსახურება ადგილობრივ და საერთაშორისო დონეზე მოღვაწე მეცნიერების, აკადემიური პერსონალის, გამოცდილი და დამწყები მკვლევრების, მათ შორის დოქტორანტების/მაგისტრანტების სამეცნიერო-კვლევითი საქმიანობის  წარმოჩენას ფართო აუდიტორიის წინაშე.

ალტერბრიჯის ყოველწლიური კონფერენციის სათაური და თემატიკა მეტწილად განისაზღვრება უნივერსიტეტ ალტერბრიჯის მისიიდან გამომდინარე და ეხმიანება მის ძირითად აკადემიურ მიმართულებებს – საზოგადოებასთან ურთიერთობა, სტრატეგიული კომუნიკაცია და მართვა.  ყოველწლიურ კონფერენციაზე შესაძლებელია ნაშრომები წარდგენილი იყოს შემდეგი პრიორიტეტული სფეროების მიხედვით: სოციალური და ჰუმანიტარული მეცნიერებები,  განათლების მეცნიერებები,  ეკონომიკის და ბიზნესის მიმართულება და სამართალმცოდნეობა.

კონფერენციის ფორმატი

საკონფერენციოდ Მიღებულ განაცხადებს განიხილავს კონფერენციის საორგანიზაციო კომისია, რომელიც შედგება უნივერსიტეტის აღმასრულებელი პირებისგან და აკადემიური პერსონალისგან.

• თეზისების შეფასების პირველი ეტაპის გავლის შემდგომ კი შერჩეული მონაწილეები გამოაგზავნიან საბოლოო სახით სამეცნიერო სტატიას.
• კონფერენცია იყოფა პრიორიტეტული მიმართულებების მიხედვით სექციებად, თითოეულ სექციას უძღვება მოდერატორი, რომელიც შერჩეულია არის დარგის ექსპერტი/სპეციალისტი.
• კონფერენციის თითოეულ მომხსენებელს ნაშრომის წარსადგენად გამოყოფილი აქვს 20 წუთი, ხოლო შემდგომ კი ნაშრომთან დაკავშირებით სადისკუსიოდ განკუთვნილია 10 წუთი.
• კონფერენციის თეზისები გამოიცემა ელექტრონული კატალოგის სახით და ხელმისაწვდომი იქნება ალტერბრიჯის ვებგვერდზე ყველა დაინტერესებული პირებისთვის.

ნაშრომის შესრულების სტანდარტი

თუ სტატია შეიცავს ნახაზებს, ნახატებს, სქემებს, ფოტოებს, ილუსტრაციებს, ცხრილებს, აუცილებელია (ფორმატი – 90X120მმ-დან 130X120მმ-მდე) დაინომროს არაბული ციფრებით, ხოლოთუ ტექსტში მოცემულია მხოლოდ ერთი ილუსტრაცია, იგი არ ინომრება; საჭიროების შემთხვევაში ნახაზები, ნახატები, სქემები, ფოტოები, ილუსტრაციები, ცხრილები შეიძლება დასათაურდეს და/ან დაერთოს მცირე განმარტება იქვე, მასალის სათაურის ქვემოთ. ნახაზი უხარვეზოდ უნდა აისახებოდეს ეკრანზე (გარჩევისუნარიანობა 96-150 dpi).

ნაშრომის შეფასების წესი

• ნაშრომის შესაბამისობა კონფერენციის გამოცხადებულ თემატიკასთან, კვლევის აქტუალურობა და სიახლე
• კვლევის არგუმენტებით გამყარება, კვლევის სანდოობა და სიცხადე, თანმიმდევრულობა და მსჯელობის ლოგიკურობა
• ნაშრომის ტექნიკური გამართულობა – ციტირების წესი, წერის სტილი და ნაშრომის სტრუქტურის გამართულობის შესაბამისობა ნაშრომის შესრულების სტანდარტთან

ჩატარებული კონფერენციები:

სტუდენტური კონფერენცია – „მულტიდისციპლინარული ხედვები: კომუნიკაცია, ფსიქოლოგია და მენეჯმენტი კრიზისების დროს“

სტუდენტური კონფერენცია – ევროპული მომავალი, როგორც განვითარების ახალი შესაძლებლობა

სტუდენტური კონფერენცია – ევროპული მომავალი, როგორც განვითარების ახალი შესაძლებლობა 

მეოთხე სამეცნიერო კონფერენცია – ხელოვნური ინტელექტი მართვასა და კომუნიკაციაში

ალტერბრიჯის რიგით მეორე სამეცნიერო კონფერენცია

სტუდენტური კონფერენცია თემაზე: სამართლებრივი არაკეთილსინდისიერება სოციალურ მედიაში

ალტერბრიჯის სამეცნიერო კონფერენცია 2021

ალტერბრიჯის სამეცნიერო კონფერენცია 2020