ბლოგი

ალტერბრიჯელის თვალით დანახული აბიტურიენტობა და საინტერესო რჩევები მომავალ სტუდენტებს

ალტერბრიჯში არაერთხელ აღვნიშნეთ, რომ ჩვენი სტუდენტების ფიქრები და აზროვნება განსაკუთრებით თავისუფალია და ამსხვრევს ყველანაირ სტერეოტიპს. საამაყოა, როდესაც სტუდენტი, რომელიც სულ ახლახანს გახდა ალტერბრიჯელი, უკვე მზადაა, სხვას გაუზიაროს თავისი გამოცდილება, შეხედულებები და მისცეს აბიტურიენტებს სწორი რჩევები და მიმართულება.

გიზიარებთ სოფი გულიშვილის, საამაყო ალტერბრიჯელის თვალით დანახულ აბიტურიენტობას  და საინტერესო რჩევებს.

„აბიტურიენტობა – სასჯელი, თუ სხვა სამყაროში გადაბიჯება?

ვიცი რომ შეიძლება ახლა დაბნეული ხარ, ან აღელვებული, ბურუსშია შენი გონება და არ იცი ხსნა სად უნდა იპოვო, შეიძლება საკუთარი თავის რწმენაც შერყეული გაქვს და მღელვარებამ მოგიცვა მთლიანად. მინდა მენდო რომ მე ეს ყველაფერი შესანიშნავად ვიცი,რადგან მეც ეს გზა გამოვიარე.

თუ გსურს,რომ დაგეხმარო უბრალოდ გათიშე შენს უკან მოძრავი სამყარო, გამომყევი და ყურადღებით მომისმინე.

აბიტურიენტობა სასჯელი არ არის, ეს არის ადამიანის/მოზარდის თავისუფალი ნება, რომელსაც უნდა აკეთებდეს სიყვარულით და შინაგანი ბიძგით, შენ არ ხარ შენი ოჯახისწევრების ხმა, თუ შენ მიმდინარე პროცესები გტანჯავს და ხვდები რომ ის მიმართულება რასაც ახლა ადგახარ შენი არ არის,უბრალოდ დაყარე ყველაფერი და მე მომისმინე.

მთავარია საკუთარ თავს კითხო

• რა მინდა მე?!

როცა გადაწყვეტ რომ ერთხელ მაინც შენს თავს მოუსმინო და არ გაექცე, პასუხთან მისასვლელი ერთი ნაბიჯი უკვე გადადგმული გაქვს.

ეს სიტყვები,მხოლოთ მათ ეძღვნებათ ვისაც, ძალიან სჭირდება ნუგეში! მე ასეთი ადამიანი არ მყავდა,დაკარგული ვიყავი და ის ნისლი რაც ჩემს წინ იდგა არ ვიცოდი როდის გაიფანტებოდა,შეშინებული ვიყავი.

ხალხის უმრავლესობა მარტივად და ზედაპირულად უდგება იმ ცხოვრების ახალ ეტაპს რასაც შენ ახლა გადიხარ, მაგრამ შენ თუ ეს ემოციურად ძალიან გტანჯავს მინდა იცოდე რომ სავსებით ბუნებრივია! ძალიან მეშინოდა დამყარებული იმედების, რასაც მშობლები ჩემზე ამყარებდნენ, მეშინოდა ჩემი მეგობრების ნათქვამი ფრაზის „ვიცი გამოგივა!“ რადგან, ჯანდაბაა! მე არ ვიცოდი, რომ გამომივიდოდა.

იცი რომ…?!

• იცი რომ, ისტორიის აზრზე არ ვიყავი,როდესაც უნივერსიტეტში ჩაბარება გადავწყვიტე და დამატებითზე სიარული დავიწყე?! პირველი სემესტრის განმავლობაში, წიგნს ხელიდან არ ვუშვებდი! ყველა თარიღი, მოვლენა, პიროვნების სახელი ზეპირად ვიცოდი, მაგრამ მასწავლებლის მიერ ჩატარებულ გამოცდაში, სულ დაბალ ნიშანს ვიღებდი! ეროვნულებზე კი ჩემი სიტყვა ვთქვი!
• იცი რომ, ქართულის გრამატიკა იმდენად შორს იყო ჩემთან, რომ ჩინურს უფრო მარტივად გავიგებდი,ვიდრე მშობლიური ენის გრამატიკას?!
• იცი, რომ ინგლისურზე A2 დონეთი მივედი, გრამატიკის აზრზე არ ვიყავი და წლის ბოლოს B2 დონე დავხურე?!

და შენ ფიქრობ, რომ რამე საშიშია?! ან ფიქრობ, რომ რაღაცებში მარტო შენ ხარ ნაკლებად გათვიცნობიერებული?!

ცდები

• იცი რისი მეშინოდა განსაკუთრებით?

რომ საკუთარ თავს ვღალატობდი. რატომ? იმიტომ, რომ არ ვიცოდი სად მივდიოდი, არ მქონდა ინფორმაცია, ფაკულტეტების და უნივერსიტეტების შესახებ! არაფერი ვიცოდი ამ განათლების ახალ სფეროსთან დაკავშირებით და დღითი-დღე სტრესი იმდენად ძლიერდებოდა,რომ ღამეებს ვატარებდი ტირილში,რადგან არ ვიცოდი რა იყო ის მიზანი რისთვისაც მე უნდა მებრძოლა! შენც ასე ხარ?! ეს სამყაროს აღსასრული არ არის.

• სამყაროს აღსასრული არ არის!

თუ შენ ახლა უმიზნოდ ხარ, არ იცი რა არის ის პროფესია,რომელშიც გინდა,რომ მომავალში საკუთარი თავი გესახებოდე, დამშვიდდი! ყველაფერი რიგზეა, იმაზე მეტად გაგიმართლა ვიდრე წარმოგიდგენია, რატომ?! ბავშვების უმრავლესობა, წინასწარ განსაზღვრული პროფესიებით, იმაზე მეტად ყოფენ თავს ჩიხში (ყველა არა ) ვიდრე წარმოგიდნენია, ჩვენ ჩვენი წარსული და ჩანერგილი გამოცდილებები გვმართავს, მას ვინც ფიქრობს, იურიდიული მისი სფეროა 100% დან 87% მწარედ ცდება, ამიტომ შენ გაგიმართლა, რადგან საზოგადოების კრიტერიუმებით მართული არ ხარ! და იმაზე მეტად გაიმარჯვებ ცხოვრებაში ვიდრე წარმოგიდნენია! რადგან დროს ფუჭად არ გაფლანგავ.

დასაკარგი დრო არ არის!

აბიტურიენტების უმრავლესობა, ხშირად მიმართავს ერთ მიზანს, როგორმე ჩააბაროს უნივერსიტეტში, თუნდაც მისი ინტერესებიდან მცდარ ფაკულტეტზე და მერე მონახავს სწორ გზას, ეს აბსურდია! დასაკარგი დრო არ არის! შენ იმაზე მარტივად შეგიძლი იმ მიმართულების სწორად თვალში ამოღება ვიდრე წარმოგიდგენია! იმისთვის რომ გაიგო როგორ?!

მიყევი ქვედა პუნქტებს!

• უბრალოდ გაეცანი,უნივერსიტეტების მიერ შემოთავაზებულ ფაკულტეტებს.

თუ ჩათვლი, რომ მათი დასახელება მოგწონს, შემდგომ აუცილებლად გაეცანი სწავლების მეთოდებს და სილაბუს, თუ რაიმე ნიუანს აღმოაჩენ,რაც შენთან ახლსო არ დგას, ხელი არ ჩაიქნიო, განაგრძე ძიება.

• მოიძიე მაღალი ხარისხის უნივერსიტეტები, თუნდაც კერძო და თუნდაც მაღალ ანაზღაურებადი.

რატომ გვჭირდება ეს?! არ შეუშინდე გადასახადს! იმაზე მეტი გზა არსებობს სწავლის თანხის დასაფარი ვიდრე გგონია, ყველა ფინანსური მოცემულობის უნივერსიტეტი გჭირდება, რადგან საშენო ფაკულტეტი დაადგინო.

• გაეცანი, რითი არის ის განსხვავებული სხვა უნივერსიტეტებისგან

რაში გჭირდება ეს?! შენ დაადგენ,რომელი უნივერსიტეტი დგას შენ პიროვნულ ხასიათთან ახლოს,რას გთავაზობს ის ისეთს,რაც სწავლას უფრო მარტივს და მრავალფეროვანს გახდის შენთვის.

მნიშვნელოვანია, იმსჯელო/იხელმძღვანელო,იმით,თუ რომელი პროფესიაა ბაზარზე მოთხოვნადი/გამავალი.

ყველაზე დიდი,საფრთხე რაც შეიძლება ჩვნს გადაწყვეტილებაში იყოს, ეს იმალება, გაუთვიცნობიერებლობაში, იმისთვის,რომ სრულყოფილად მიხვიდე მიზნამდე და სწორად შეარჩიო პროფესია,საჭიროა აითვისო ბაზარიც, რას ვგულისხმობ? შეგიძლია უბრალოდ შეხვიდე დასაქმების საიტებზე  და ნახო, რომელი პროფესიებია მოთხოვნადი, რადგან, შენ თუ არ იცი ბაზარი, სამომავლოდ ვერც დასაქმება გექნება გარანტირებული.

ეროვნულების არ შეგეშინდეს

ალბათ, ბევრი აბიტურიენტობა გამოვლილი ახალგაზრდისგან გაიგებთ, არაფერია! არ შეგეშინდეს.

ნუგეში მარტივია, როცა გადალახე 

მთავარია, ვისაც არ გადაულახავს, ის ანუგეშო სათანადოდ.

თუ რაიმეს შიშით აკეთებ, ან შედეგების გეშინია, ჩათვალე ჩაფლავდი! არაფრის არ უნდა გეშინოდეს, რადგან ყველაფრისთვის მზად უნდა იყო.

ეროვნულები, ყველაზე მარტივი საკითხია, ეს არის ბრძოლის დაგვირგვინება, გაქვს სათანადო დრო, სათანადო სივრცე, სათანადო ხელშეწყობა.

თუ შენში სიმშვიდის მარცვალი, ჩავაგდე, ცოტათი მაინც შევძელი ბურუსის გაფანტვა,  გზა დაგანახე და მღელვარება ჩაგიხშე, ბედნიერი ვარ! ახლა შეგიძლია მშვიდად გააგრძელო ბრძოლა.

მინდა იცოდე, რომ

მე მჯერა შენი!“.

წყარო: იხ. ბმული