სიახლეები

21 თებერვალს, მართვისა და კომუნიკაციის საერთაშორისო სასწავლო უნივერსიტეტ ალტერბრიჯისა და იტალიური ორგანიზაციის „IISS “Pertini – Anelli” Turi – Castellana G”otte”-ს ინიციატივით ჩატარდა იტალიური ენის მასტერკლასი, რომელსაც უძღვებოდნენ იტალიელი სტუდენტები და პროფესორი – მარია ჩეჩილია ლუკარელი.

შეხვედრას, რომლის ხანგრძლივობაც იყო 2 საათი, ესწრებოდნენ უნივერსიტეტ ალტერბრიჯის სტუდენტები და ადმინისტრაციული პერსონალი.

მასტერკლასის ფარგლებში იტალიელმა სტუდენტებმა ქართველ მონაწილეებს გაუზიარეს ენის საბაზისო ნაწილი, გააცნეს იტალიური ენის ანბანი და ისაუბრეს მისალმების ტიპებზე.

შეხვედრა მიმდინარეობდა ინტერაქტიულ ფორმატში, მონაწილეებს ჰქონდათ შესაძლებლობა, ჩართულიყვნენ სხვადასხვა სახის აქტივობებში და ასევე, მასტერკლასის ბოლოს  სახალისო დავალებები შეასრულეს, რამაც უფრო საინტერესო და პროდუქტიული სახე მისცა შეხვედრას.

მასტერკლასის დასრულების შემდგომ მონაწილეებს გადაეცათ ორენოვანი სერტიფიკატი.