2020 წლის 2-4 ივლისს „ალტერბრიჯის“ და „ალგორითმის“ ერთობლივი ორგანიზებით აბიტურიენტებისა და მათი მშობლებისთვის გაიმართა შეხვედრები სერიიდან „შპარგალკა“ . პირველი შეხვედრის თემა – როგორ დავეხმაროთ ჩვენს შვილებს გამოცდების წინ, წარადგინა „ალტერბრიჯის“ რექტორმა,  ტრენერმა ნათია გოცაძემ. დაინტერესებულ მსმენელს აუხსნა რას გულისხმობს  გულწრფელობის აქტი და როგორია რეალობის ობიექტური აღქმა. განუმარტა მშობლებს, როგორ იპოვნონ ძალა სიმშივიდისთვის, რადგან ემოცია გადამდებია. თვალსაჩინოდ ისაუბრა რაში მდგომარეობს სწორი ურთიერთქმედების მაგია და რამდენად არის შესაძლებელი მოვიგოთ შედეგის მიუხედავად. მომდევნო შეხვედრა დაეთმო დისკუსიას როგორ დავძლიოთ გამოცდის შიში, რომელსაც წარუძღვა ფსიქოლოგი, ტრენერი მაია ხოსიტაშვილი. მან ვრცლად ისაუბრა როგორ გადავაქციოთ შიში ენერგიად ანუ როგორ მოვახდინოთ ემოციების ტრანსფორმაცია. განმარტა რა იწვევს შიშს და როგორ არ დავმორჩილდეთ მას, რომ არ გახდეს პანიკის საბაბი. შეხვედრების სერია დაასრულა „ალტერბრიჯის“ ვიცე-რექტორმა, ფსიქოკონსულტანტმა მაკო ჯაოშვილმა თემით: როგორ მოვახდინოთ ძალების მობილიზება გამოცდისთვის. აბიტურიენტებსა და მათ მშობლებს შეახსენა, რომ წარმატება მოაქვს პოზიტიურ განწყობას. განმარტა როგორ შეიძლება ყურადღების ფოკუსირება, მეხსიერების კონცენტირება, დროისა და ენერგიის მართვა შინაგანი სიმშვიდის შესანარჩუნებლად და საკუთარი რესურსების ასამუშავებლად. განხილულ თემებთან დაკავშირებულ საკვანძო საკითხებს შეგიძლიათ გაეცნოთ სერია „შპარგალკის“ ბლოგპოსტებში.