2020 წლის პირველ ივლისს, მართვისა და კომუნიკაციის საერთაშორისო სასწავლო უნივერსიტეტ “ალტერბრიჯში“ შედგა PR ასოციაციის პირველი სამუშაო შეხვედრა, რომლის მიზანი იყო დარგის განვითარებასთან დაკავშირებული საკითხების მიმოხილვა ასოციაციის საქმიანობის ჭრილში. შეხვედრას დაესწრნენ PR კლუბის ბორდის წევრები: მარიკა დარჩია, კახა მაღრაძე, ბერდია ნაცვლიშვილი, თორკინე გურული, მაკო ჯაოშვილი, რომელიც ამავდროულად ასოციაციის დამფუძნებელია, ნათია გოცაძე – PR ასოციაციის დამფუძნებელი, ლილი ბიბილაშვილი – HR პროფესიონალთა გილდიის დამფუძნებელი, ლაშა ლაბაძე – დამსაქმებელთა ასოციაციის აღმ. დირექტორი & ტრენერთა ასოციაციის თანადამფუძნებელი. შეხვედრამ სადისკუსიო ფორმატში ჩაიარა. მონაწილეებმა დადებითად შეაფასეს დამფუძნებელთა ინიციატივა. მსჯელობისას გამოთქვეს მოსაზრებები ასოციაციის სტრატეგიისა და სტრუქტურის ფორმირებისთვის. დისკუსიის ბოლოს მოდერატორმა მაკო ჯაოშვილმა შეაჯამა განხილული საკითხები. მომდევნო შეკრებამდე სამუშაო პერიოდად განისაზღვრა 2 კვირა, რომლის განმავლობაში დაინტერესებული პირები მოამზადებენ ხედვას კონცეფციის, გამგეობის წევრთა შემადგენლობის, ასოციაციაში გაწევრიანების პირობებისა და ერთ წლიანი სამოქმედო გეგმის შესახებ.