ბრილიანტის გამოწვევა – Diamond Challenge Georgia 2022 ალტერბრიჯში
2022 წლის 19 მარტს უნივერსიტეტ ალტერბრიჯში ჩატარდა ამერიკის დელავერის შტატის უნივერსიტეტის მეწარმეობის პროგრამა “ბრილიანტის გამოწვევის” (“Diamond Challenge Georgia 2022 – ბრილიანტის გამოწვევა”) საქართველოს ფინალი. ფინალში მონაწილე გუნდებს უნივერსიტეტის მხრიდან შეხვდა ალტერბრიჯის რექტორი – ნათია გოცაძე.
ფინალში ჟიურის წინაშე 9 გუნდი წარსდგა და ჟიურის გააცნო სოციალური საწარმოს ბიზნეს პროექტი. ფინალში პირველი ადგილი და აპრილში ამერიკის მსოფლიო ნახევარფინალში მონაწილეობის უფლება მოიპოვა სკოლა “აია-გესის” გუნდმა. რომელმაც წარმოადგინა კოვიდ-ნიღბების პროექტი, რომელიც ფერს იცვლის მას შემდეგ, რაც მისი გამოყენების პერიოდი გადის. ვულოცავთ გუნდის წევრებს და გუნდის მრჩეველს ამ შესანიშნავ გამარჯვებას.
ბრილიანტის გამოწვევის საპრიზო ფონდი შეადგენს 100.000$-ს და მასში მსოფლიოს ყველა კონტინენტის ქვეყნები მონაწილეობენ.
ფინალს უძღვებოდნენ მარიამ და პავლე თვალიაშვილები, მათ ეხმარებოდა მარიამ ტერტერაშვილი.
უფროსკლასელი მეწარმეობის კონკურსს, განათლებისა და მართვის გუნდის EMT-ის ორგანიზებითა და სიქას მხარდაჭერით საქართველო შეუერთდა 2014 წელს.
ფინალს სპონსორობას უწევდნენ: “ინოვაციებისა და ცვლილებების ინსტიტიუტი”, “სოფლის მეურნეობის განვითარების ასოციაცია” და “ჰიპის ხელნაკეთი ნივთები”.