სიახლეები

2022 წლის 5 აპრილს გაიმართა ალტერბრიჯის რიგით მეორე სამეცნიერო კონფერენცია თემაზე: „ფსიქოლოგიის როლი მართვასა და კომუნიკაციაში“, რომელშიც მონაწილეობდნენ ალტერბრიჯის აფილირებული/აკადემიური პერსონალი და ასევე, გარე დაინტერესებული პირები. კონფერენციის მიზანს წარმოადგენდა წარმოჩენილიყო ფსიქოლოგიის, კომუნიკაციის და მენეჯმენტის დარგების გადაკვეთის წერტილები სამეცნიერო-კვლევით ჭრილში.

კონფერენციაზე მომხსენებლებმა წარადგინეს უახლესი კვლევები ისეთ აქტუალურ საკითხებზე, როგორიცაა – “ემოციური ინტელექტის როლი სტრატეგიულ კომუნიკაციაში” (მაკო ჯაოშვილი, ალტერბრიჯის ვიცე-რექტორი, ალტერბრიჯის სტრატეგიული კომუნიკაციის სამაგისტრო პროგრამის ხელმძღვანელი), “მასმედიის გავლენა აუდიტორიაზე” (ოლღა ცისკარიშვილი-სოსელი, ალტერბრიჯის ასოცირებული პროფესორი), ”სოც.მედიაში დასაქმებულ პირთა ქცევის განმსაზღვრელი ფაქტორები” (ქეთევან გოგოძე, საინჟინრო ეკონომიკის, მედიატექნოლოგიებისა და სოციალურ მეცნიერებათა დოქტორი), “ციფრულ ეკონომიკაში ნდობის დამყარების ეტაპები (საქართველოს მაგალითზე)” (ცოტნე ჟღენტი, BTU-ს ასოცირებული პროფესორი), „COVID-19-ის გავლენა უმაღლეს განათლებაში ციფრულ სწავლა-სწავლებასა და სტუდენტების სოციო-ემოციურ მდგომარეობაზე“ (ზურაბ მუშკუდიანი, ალტერბრიჯის პროფესორი), „კომუნიკაციის თავისებურებები ალკოჰოლსა და ნარკოდამოკიდებულ პაციენტთან მკურნალობის მართვაში“ (ნათია სტეფანიშვილი, ილიას უნივერსიტეტის ადიქციის კვლევების მაგისტრი), და სხვა.

კონფერენციის გახსნითი ნაწილი მოიცავდა ალტერბრიჯის რექტორის, ნათია გოცაძის მიმართვას დამსწრე აუდიტორიისადმი და პანელ-დისკუსიას კონფერენციის თემის გარშემო, სადაც სპიკერის სტატუსით მონაწილეობას ღებულობდნენ ალტერბრიჯის ვიცე-რექტორი მაკო ჯაოშვილი, თამთა ჯინჯოლავა – ალტერბრიჯის მასკომუნიკაციის საბაკალავრო პროგრამის თანახელმძღვანელი, თეონა მაისურაძე – ალტერბრიჯის ბიზნესის ადმინისტრირების ინგლისურენოვანი პროგრამის ხელმძღვანელი, სოსო დოლიძე – ალტერბრიჯის ფსიქოლოგიის საბაკალავრო პროგრამის ხელმძღვანელი, მარიამ გერსამია – მედიის და კომუნიკაციის საგანმანათლებლო და კვლევითი ცენტრის ხელმძღვანელი.

კონფერენცია გაიმართა Zoom პლატფორმის საშუალებით. კონფერენციას მოდერაციას უწევდა ალტერბრიჯის ვიცე-რექტორი, ალტერბრიჯის პროფესორი, ინოვაციური განათლების ცენტრის ხელმძღვანელი, მარიამ დარბაიძე.

კონფერენციის საწყისი ეტაპის სანახავად ეწვიეთ ბმულს.