6 დეკემბერს, ალტერბრიჯის ერთ-ერთმა პარტნიორმა ორგანიზაციამ – აისეკ საქართველომ ონლაინ ახალგაზრდული სამეწარმეო სამიტი ჩაატარა, რომლის გამომსვლელთა შორის იყო ალტერბრიჯის საერთაშორისო ურთიერთობების კოორდინატორი ნათია გოგებაშვილი.

ნათია გოგებაშვილმა დამსწრე საზოგადოებას გააცნო ალტერბრიჯის შესაძლებლობები და ასევე გამოხატა მზაობა აისეკ-საქართველოს სხვა პარტნიორებთან ერთად სამომავლო გეგმების შემუშავებაზე.

ღონისძიების მონაწილეებმა იმსჯელეს ისეთ მნიშვნელოვან საკითხებზე, როგორიცაა ქართველი ახალგაზრდების ჩართულობა საერთაშორისო პროექტებში, რომელსაც პარტნიორების მხარდაჭერით აისეკ საქართველო ახორციელებს.

ალტერბრიჯსა და აისეკ საქართველოს შორის არსებული მემორანდუმის ფარგლებში დაგეგმილი ერთობლივი პროექტები სტუდენტებს საშუალებას მისცემს განივითარონ ლიდერული უნარ-ჩვევები და მიიღონ საერთაშორისო გამოცდილება მათთვის საინტერესო სფეროში.