2020 წლის 3 დეკემბრიდან, პირველად საქართველოში, ეგზისტენციალური ანალიზის და ლოგოთერაპიის საერთაშორისო საზოგადოება (GLE International), „ალტერბრიჯისა“ და ნანა ჩაჩუას ფსიქოლოგიური ცენტრის ერთობლივი ორგანიზებით იწყებს ონლაინ ვებინარების სერიას თემაზე: „ეგზისტენციალური დაბადება“.

   ვებინარზე დამსწრეებს შეგეძლებათ:

– გაეცნოთ თანამედროვე ეგზისტენციალური ანალიზის ავტორის, პროფესორ ალფრიდ ლენგლეს – მსოფლიოში ცნობილი ფსიქოთერაპევტის, ეგზისტენციალური ანალიტიკოსის, კლინიკური ფსიქოლოგის, მედიცინისა და ფსიქოლოგიის დოქტორის საავტორო კონცეფციას და მის ძირითად დებულებებს

– მეტი შეიტყოთ ალფრიდ ლენგლეს ფუნდამენტურ მოტივაციათა სტრუქტურული მოდელის შესახებ, რომელიც ერთდროულად წარმოადგენს დიაგნოსტირების და თერაპიული დახმარების ეფექტურ საშუალებას

– ეგზისტენციალური ანალიზის კონცეფციის საფუძველზე გააცნობიეროთ

“ეგზისტენციალური დაბადების”, “ადამიანის – თავისუფალ ადამიანად დაბადების” ფუნდამენტური პირობები და მათი ღრმა მნიშვნელობა რეალიზებული ცხოვრების პერსონალური განცდისათვის. 

  გაცნობითი ონლაინ ვებინარი ჩატარდება: 3 დეკემბერს, 19:00 – 21:00

ვებინარს გაუძღვებიან GLE-international -ის ტრენერები:

ირინა რიაზანოვა

ალფრიდ ლენგლეს მოსწავლე და კოლეგა. კერძო პრაქტიკოსი , ეგზისტენციალური ანალიტიკოსი. საგანგებო სიტუაციების სამინისტროს წამყვანი ფსიქოლოგი. 21 წლიანი გამოცდილება ფსიქოლოგიურ პრაქტიკაში. 15 წელია ხელმძღვანელობს GLE-international დისტანციური სწავლების პროგრამებს. არის ეგზისტენციალური ანალიზის პროგრამის ტრენერი და სუპერვაიზორი. ასევე, საავტორო ვებინარების წამყვანი. 

და

ნატალია ბონდარენკო, დოქტორი (Ph.D)

ალფრიდ ლენგლეს მოსწავლე და კოლეგა. ეგზისტენციალური ფსიქოთერაპევტი. GLE-International-ის  სასწავლო პროგრამების სუპერვაიზორი და ტრენერი. 2004 წლიდან  ჩართულია ალფრიდ ლენგლეს საგანმანათლებლო პროექტში. უძღვება  საავტორო ვებინარებს ეგზისტენციალურ – ანალიტიკური მიდგომების ფარლებში.

ვებინარზე დასასწრებად შეავსეთ სარეგისტრაციო ფორმა: https://forms.gle/yzRA6koNzErAmfvZA 

იჩქარეთ, პირველ ვებინარზე დასწრება თავისუფალია!

აქვე სიამაყით გაცნობებთ, რომ 2021 წლის ივნისიდან „ალტერბრიჯისა“ და ნანა ჩაჩუას ფსიქოლოგიური ცენტრის ერთობლივი ორგანიზებით უკვე საქართველოშიც განხორციელდება ეგზისტენციალური ანალიზის და ლოგოთერაპიის საერთაშორისო საზოგადოების (GLE International) გრძელვადიანი საერთაშორისო სასწავლო პროგრამა ეგზისტენციალურ ანალიზსა და ლოგოთერაპიაში.