სიახლეები

სასწავლო უნივერსიტეტ ალტერბრიჯის ვიცე-რექტორმა მაკო ჯაოშვილმა სტრატეგიული განვითარების მიმართულებით სტრუქტურული ერთეულების საერთო ხედვა წარადგინა. კოლეგებს გააცნო სასწავლო უნივერსიტეტის სტრატეგიული მიზნების შესაბამისად მიმდინარე პერიოდში დაგეგმილი და რეალიზებული აქტივობები.

შეხვედრაზე აღინიშნა, რომ ამ ეტაპზე დასრულდა არსებულ ქვედანაყოფებში – საგარეო ურთიერთობების, საზოგადოებასთან ურთიერთობის, პარტნიორებთან ურთიერთობის, პროფესიული მომზადება-გადამზადების, ღონისძიებათა ორგანიზების მიმართულებათა ხელმძღვანელებისთვის ფუნქციების განაწილება, დაზუსტდა შესასრულებელ სამუშაოზე პასუხისმგებელი პირები; შემუშავების ფაზაშია სამთვიანი სამოქმედო გეგმა. გრძელდება ადგილობრივ და საერთაშორისო დონეზე პოტენციური პარტნიორებისა და კორპორატიული კლიენტების შერჩევის პროცესი. პრიორიტეტულად გამოიკვეთა შესასრულებელი სამუშაოებისთვის საჭირო რესურსები და მედიასთან ურთიერთობის გააქტივება.

მაკო ჯაოშვილმა საქმიანობის ერთ-ერთ ძირეულ ამოცანად დასახა პარტნიორ ორგანიზაცია კლიპარტთან კოორდინირებული მუშაობის უზრუნველყოფა, ნოემბრიდან რადიო უცნობთან თანამშრომლობის განახლება ალტერბრიჯის რუბრიკის -„ალტერ თემის“ განსახორციელებლად. სტრატეგიული განვითარების კონცეფციის განუყოფელ ნაწილად გუნდს მიაჩნია ალტერბრიჯის მიერ დაწყებული სოციალური კამპანია „ალტერ მეს“ გაფართოვება, რომელიც ემსახურება ჩართულ მხარეთა ინტერესების გამოვლენით თვითგამოხატვის ახალი პლატფორმის შექმნას და პიროვნული ზრდა-განვითარების ხელშეწყობას.