სიახლეები

2023 წლის 12 იანვარს ალტერბრიჯის რექტორმა ნათია გოცაძემ და ნიუუნის რექტორმა თამარ გარდაფხაძემ ხელი მოაწერეს მემორანდუმს, რომლის ფარგლებში შეთანხმდნენ ერთობლივი პროექტების განხორციელებაზე. მემორანდუმის საგანს წარმოადგენს სამეცნიერო/სტუდენტური კონფერენციებისა და კვლევითი სამუშაოების დაგეგმვა-რეალიზება, საგანმანათლებლო პროგრამებსა თუ სხვა კურიკულუმ მიღმა აქტივობებზე ინფორმაციის ურთიერთგაცვლა, საერთაშორისო მასშტაბის პროექტებით აკადემიური პერსონალისა თუ სტუდენტების დაინტერესება. შეხვედრას ესწრებოდნენ ნიუუნის საერთაშორისო ურთიერთობის სამსახურის უფროსი ნანა ციხისთავი და ალტერბრიჯის კვლევითი ცენტრის ხელმძღვანელი მაკო ჯაოშვილი. მხარეებმა გამოხატეს სრული მზაობა დასახული მიზნების მისაღწევად და ორმხრივად სასარგებლო ამოცანების შესასრულებლად.