მაკო ჯაოშვილის წიგნის: “ცხოვრება, როგორც პერფორმანსი” პრეზენტაცია ალტერბრიჯში
3 ივნისს, უნივერსიტეტმა ალტერბრიჯმა უმასპინძლა მაკო ჯაოშვილის, ალტერბრიჯის ვიცე-რექტორისა და პოზიტიური ფსიქო-კონსულტანტის წიგნის: “ცხოვრება, როგორც პერფორმანსი” პრეზენტაციას. საღამოს უძღვებოდა უნივერსიტეტ ალტერბრიჯის დამფუძნებელი – ნათია გოცაძე.
პრეზენტაციის ფარგლებში, მაკო ჯაოშვილი მკითხველებს ესაუბრა წიგნის შესახებ და მისი შექმნის ისტორიაზე. გარდა ამისა, მოწვეულმა რესპოდენტებმა და მკითხველებმა, წიგნისა და მისი ავტორის გარშემო საინტერესო შეხედულებები გაგვიზიარეს.
აქვე სიამაყით გაცნობებთ, რომ შეხვედრაზე უნივერსიტეტის სტუდენტებისა და მაკო ჯაოშვილის ხელმძღვანელობით, საფუძველი ჩაეყარა #ალტერბრიჯის “მკითხველთა კლუბს”, რომელიც სამომავლოდ საინტერესო შეხვედრებითა და ლიტერატურული საღამოებით იქნება დატვირთული.
მკითხველთა კლუბით დაინტერესებული ადამიანები გთხოვთ, გაწევრიანდეთ ჯგუფში: https://bit.ly/3xlB6li
“ცხოვრების გზას ყველა თავისებურად გადის და საკუთარი ხედვით აფასებს. მე ჩემებურად აღვწერე ათი ბილიკი იმ ვექტორული გადაადგილებით, რამაც პირველი ტრაექტორია წარმატებით დამასრულებინა და
გამომაფხიზლა. ვფიქრობ, თქვენც დაგეხმარებათ თვითგამორკვევასა და თვითრეალიზებაში” – ამონარიდი წიგნიდან “ცხოვრება, როგორც პერფორმანსი”.