სიახლეები

უნივერსიტეტი ალტერბრიჯი კიდევ ერთ მნიშვნელოვან ნაბიჯს დგამს განათლების ხარისხისა და სტუდენტური გამოცდილების გაძლიერებისკენ  – გაფორმდა ურთიერთშეთანხმების მემორანდუმი სასწავლო შემეცნებით აკადემია  “თეორია” – სთან, რომელსაც ხელი მოაწერა ალტერბრიჯის რექტორმა ნათია გოცაძემ.

მემორანდუმის მიზანია:

სტუდენტებისა და პროფესიონალების განვითარებას ხელი შეეწყოს თანამედროვე, ინოვაციურ და პრაქტიკაზე ორიენტირებული სწავლის მეთოდების გამოყენებით. თანამშრომლობა მოიცავს:

• თანამედროვე საგანმანათლებლო პროცესების გაუმჯობესებას – ინტერაქტიული, პრაქტიკული და სტუდენტზე მორგებული სასწავლო მოდელების დანერგვით.

• სტუდენტური განვითარების ახალ პლატფორმებს – სადაც ახალგაზრდებს ექნებათ სივრცე თავადაც შექმნან იდეები, განახორციელონ პროექტები და მიიღონ მოტივაცია პროფესიული ზრდისთვის.

• ინტეგრირებული ტრენინგებისა და სალონური შეხვედრების ჩატარებას – ღია გარემოში, ბუნებასთან ახლო და ინსპირაციულ სივრცეებში, რაც ხელს უწყობს ფოკუსს, გუნდურობასა და შემოქმედებით ენერგიას.

ალტერბრიჯისთვის ეს თანამშრომლობა კიდევ ერთი ნაბიჯია უფრო ძლიერ, თანამედროვე და სტუდენტზე ორიენტირებულ აკადემიური გარემოსკენ.