სიახლეები

25 მაისს, ალტერბრიჯმა უმასპინძლა მეოთხე სტუდენტურ კონფერენციას, რომელიც მიეძღვნა ციფრული ტრანსფორმაციის ეპოქაში უმნიშვნელოვანეს გამოწვევებს. ღონისძიების სტუმრებმა, სტუდენტებმა, აკადემიური წრეების წარმომადგენლებმა და დარგის წამყვანმა ექსპერტებმა, ერთობლივად იმსჯელეს აზროვნების, კომუნიკაციისა და ციფრული ცვლილებების შესახებ.

კონფერენციის მონაწილეები საქართველოს სხვადასხვა უმაღლესი საგანმანათლებლო დაწესებულებების სტუდენტები იყვნენ და დღის წესრიგი ოთხი ძირითადი სესიის ირგვლივ იყო გაერთიანებული:

• მედიაწიგნიერება, როგორც პასუხი
• პროფესიული ტრანსფორმაცია ციფრულ საზოგადოებაში
• იდენტობა ხელოვნური ინტელექტის ეპოქაში
• ხელოვნური ინტელექტი – კომუნიკაცია და ციფრული ტრანსფორმაცია
• სამართალი ხელოვნური ინტელექტის ეპოქაში

კონფერენციაზე კომისიამ სამი საუკეთესო მოხსენება გამოავლინა:

პირველი ადგილი მოიპოვეს ალტერბრიჯის ფსიქოლოგიის საბაკალავრო პროგრამის სტუდენტებმა – ნინი გნოლიძემ და ელა ჯომიდავამ!

მოხსენების თემა: “სტუდენტის პროფესიულ წარმატებაში რბილი უნარების როლი”

მეორე ადგილი მოიპოვა ბარბარე ლოლაძემ, ივანე ჯავახიშვილის სახელობის თბილისის სახელმწიფო უნივერსიტეტის სტუდენმა.

მოხსენების თემა: “ორმაგი იდენტობა: ზღვარი სოციალური მედიის იმიჯსა და რეალურ “მე”-ს შორის

მესამე ადგილი კი მოიპოვა ალტერბრიჯის სტრატეგიული კომუნიკაციის სამაგისტრო პროგრამის სტუდენყმა, მარიამ ვარდიძემ

მოხსენების თემა: “ხელოვნური ინტელექტის დანიშნულება სტრატეგიულ კომუნიკაციაში”

აღსანიშნავია, რომ ღონისძიებაზე მოწვეულმა სტუმრებმა, ციფრული მმართველობის სააგენტომ,  საქართველოს ინოვაციების და ტექნოლოგიების სააგენტომ (GITA),  გაეროს ქალთა ორგანიზაციამ,  გაეროს გლობალური შეთანხმების საქართველოს ქსელმა, კომუნიკაციების კომისიამ, თბილისის მუნიციპალიტეტის ტრანსპორტისა და ურბანული განვითარების სააგენტომ, თავიანთ ნომინაციებში რჩეული მომხსენებლებიც გამოავლინეს.

მადლობას ვუხდით ღონისძიების სტუმრებს და თითოეულ მონაწილეს. გამარჯვებულებს კი ვულოცავთ და ვუსურვებთ წარმატებებს!

კონფერენციამ კიდევ ერთხელ დაადასტურა, რომ მსგავსი აკადემიური დიალოგები აუცილებელია თანამედროვე გამოწვევების გასაანალიზებლად და ახალი ინტელექტუალური პერსპექტივების გამოსაკვეთად. მადლობას ვუხდით თითოეულ მომხსენებელსა და მონაწილეს საინტერესო დისკუსიებისა და ღირებული მოსაზრებების გაზიარებისთვის!