,,პოსტპანდემიური პერიოდი, როგორც გამოწვევა საგანმანათლებლო პროცესის მართვაში“
2021 წლის 26 თებერვალს, მართვისა და კომუნიკაციის საერთაშორისო სასწავლო უნივერსიტეტ ,,ალტერბრიჯი”-ს ორგანიზებით გაიმართება ონლაინ ფორუმი თემაზე:
,,პოსტპანდემიური პერიოდი, როგორც გამოწვევა საგანმანათლებლო პროცესის მართვაში“.
ღონისძიების ჩატარების იდეა გაჩნდა სასწავლო უნივერსიტეტ ,,ალტერბრიჯის“ მიერ ორგანიზებულ ონლაინ ვებინარზე: ,,ინსტიტუციების მართვა პანდემიის პირობებში საუკეთესო პრაქტიკა“, რომელშიც. მონაწილეობას იღებდნენ ქვეყანაში არსებული ინსტიტუციების წარმომადგენლები და ასევე მოწვეული სპიკერები.
2021 წლის 26 თებერვალს დაგეგმილი ღონისძიების მიზანია, შეიქმნას ასოციაცია, რომელშიც გაწევრიანდებიან ინსტიტუციები და ერთობლივად მოხდება აღნიშნულ პრობლემატიკის ირგვლივ როგორც ფართო, ასევე ვიწერო სფეროების მიხედვით გამოწვევების და შესაძლებლობების განხილვა და სწორი სტრატეგიის შერჩევა.
აღნიშნულ დღეს გაფორმდება მემორანდუმები ასოციაციაში გაწევრიანებულ ინსტიტუციებს შორის და განიხილება სამომავლო აქტივობები.
ფორუმს მოდერაციას გაუწევს: უნივერსიტეტ ,,ალტერბრიჯის” ვიცე-რექტორი მარიამ დარბაიძე.
ასოციაციის წევრები ერთობლივად იმუშავებენ პოსტპანდემიურ პრობლემებზე, რომელმაც მნიშვნელოვანი გავლენა იქონია საგანმანათლებლო სფეროზე. ფორუმზე განხილული იქნება სხვადასხვა მიმართულებები:
სასწავლო პროცესის მენეჯმენტი;
პერსონალის მართვა;
კვლევის პროცესის მართვა;
ხარისხის უზრუნველყოფის მექანიზმები;
სტუდენტური სერვისები;
სპეფიციური საგანმანათლებო პროგრამების განხორციელება;
სხვა საკითხები, რომელსაც დიდი მნიშვნელობა ენიჭება საგანმანათლებლო ინსტიტუციების მართვისას პოსტპანდემიურ პირობებში.
ღონისძიებაში მონაწილეობის მიღება შეუძლიათ, საქართველოში არსებულ საჯარო და კერძო საგანმანათლებლო ინსტიტუციების წარმომადგენლებს. აღნიშნულ ფორუმზე ჩამოთვლილი მიმართულებების გარდა, მონაწილეებს შეუძლიათ ინიცირება გააკეთეონ სხვადასხვა ვიწრო სფეროების განხილვისთვის.
ინსტიტუციების მიერ წარმოდგენილი კონკრეტული აქტივობების შემდეგ, გაკეთდება შემაჯამებელი ანგარიში, რომელიც ხელმისაწვდომი იქნება ყველასთვის.
ღონისძიებაზე დასწრება თავისუფალია.
დაინტერესებული პირები დარეგისტრირდით ბმულზე: https://forms.gle/7SFJ3xVXGMfSy6Xi8
დაგვიკავშირდით: 598 56 08 79
ელ-ფოსტა: contact@alterbridge.org.ge