ბლოგი

რა არის შენი მიზანი, რატომ გინდა ამის გაკეთება, ვინ იქნები როცა ამ მიზანს მიაღწევ?

ადამიანები სოციალური არსებები ვართ, ყველა საკუთარი ოჯახებიდან, გარემოცვიდან, წრიდან მოვდივართ, ყველას საკუთარი წარმოდგენები და გამოცდილებები გვაქვს სხვადასხვა საკითხთან მიმართებაში, მაგრამ ის, რაც გვაერთიანებს არის სურვილი, ვიპოვოთ ის, რისი კეთებაც გვიყვარს და მივუძღვნათ თავი ამ საქმეს. ალბათ, როცა ზუსტად გჯერა საკუთარი გადაწყვეტილებების, ნაკლებად გჭირდება ეს სხვებსაც დააჯერო, მაგრამ მოსწონდე და გაღიარებდეს გარემოცვა – სასიამოვნო ბონუსია. თავში შეიძლება ბევრი აზრი და ფიქრი მოგვდის – რა გვინდა, რა მაგარი იქნებოდა… მაგრამ სადღაც ვწყვეტთ აზრს.. ეს შიშია! შიში იმისა, რომ ვერ შევძლებთ, ან ბოლომდე ვერ მივიყვანთ, ან ის, რომ თანამოაზრეებს ვერ ვიპოვით და ა.შ კომფორტის ზონიდან გამოსვლა ხომ ყველაზე მეტად უჭირთ ადამიანებს .. როცა მსგავსი აზრი მოგივათ, ნუ გაუშვებთ მას.. ბევრი მხრიდან შეხედეთ, ხმამაღლა გააჟღერეთ, კიდევ ერთხელ გადაამოწმეთ, არის თუ არა ეს, ის, რაც გაგაბედნიერებთ და რისთვისაც ღირს დროის დათმობა? ამ იდეის ხორცშესხმა დაგაახლოვებთ თუ არა წარმატებასთან და, თქვენი ცხოვრების ძირითად მიზნებთან მოდის თუ არა ჰარმონიაში – და თუ მიიღებთ დადებით პასუხებს, შეუდექით იდეა რაც არ უნდა დამაჯერებელი ან პირიქით ‘გიჟური’ იყოს, მას განსახორციელებლად სჭირდება გეგმა, რომელიც ნათლად დაგანახებთ საიდან უნდა დაიწყოთ, რომელი იყოს თქვენი მეორე ნაბიჯი, მესამე და ა.შ ესე კიბის საფეხურებივით მიეწყობა და შესრულებაც ასეთივე ადვილი ხდება. „ადვილი“ ვახსენეთ და ჩემი საყვარელი ფრაზაა : „ადვილი, რომ ყოფილიყო ყველა გააკეთებდა“. ნუ შეგაშინებთ სირთულეები, მოძებნეთ მისი გადალახვის მარტივი და სწორი მეთოდები. ჰკითხეთ გამოცდილ ადამიანებს, ეძებეთ პრაქტიკა – ვის რა გაუკეთებია ასეთ სიტუაციებში. როცა მოძრაობაში ხარ, გზები ყოველთვის გამოჩნდება. როცა კარგად გაიაზრებთ ამ ასპექტებს, თქვენ შექმნით იმ იღბალს, რომელსაც განგებისგან ელით და დიახ, გამოჩნდებიან თანამოაზრეებიც, რესურსებიც და განხორციელების გზებიც. ახალ იდეებზე მუშაობა და რუტინიდან გამოსვლა – დაგეხმარებათ გაძლიერდეთ შემოქმედებითად, თქვენი რეალური შესაძლებლობები წარმოაჩინოთ ისე, როგორც თქვენს წარმოდგენებშია, საკუთარ თავში შეგმატებთ ნდობისა და უსაფრთხოების შეგრძნებას, რა საოცარი გრძნობაა, როცა ამბობ : მე ამას შევძლებ! და კიდევ უფრო : მე ეს შევძელი ყოველთვის გამოჩნდება ვიღაც, ვინც გეტყვით, რომ ვერ შეძლებთ, სავარაუდოა რომ მას თავად ცხოვრებაში არაფერი შეუქმნია. ამიტომ, ასეთებს ყურს ნუ დაუგდებთ. უფრო მეტად ენდეთ საკუთარ თავს და შესაძლებლობებს და, სწორედ ის დაგაპყრობინებთ მწვერვალებს!

ავტორი: კესარია წულაია