კონკურსი სკოლის მოსწავლეებისთვის
2022 წლის 2 ივნისს, უნივერსიტეტ ალტერბრიჯში ჩატარდა ალტერბრიჯისა და სკოლა „პროგრესის“ ერთობლივი პროექტის: „Vision for Innovation in Business“ ფინალი :
კონკურსში მონაწილეობას იღებდნენ სკოლის მოსწავლეები, რომლებიც დაკომპლექტებული იყვნენ ჯგუფებად და ერთობლივად წარადგინეს საკუთარი ბიზნეს იდეა და მისი ნიმუში.
კონკურსის გამარჯვებული და პირველი ადგილის მფლობელი გახდა გუნდი „Fire Fighters”, გუნდის წევრებს უნივერსიტეტ ალტერბრიჯისგან გადაეცათ 50%-იანი შიდა სასწავლო გრანტი და კონკურსში მონაწილეობის დამადასტურებელი სერტიფიკატი.
კონკურსის უმთავრეს მიზანს წარმოადგენდა მოსწავლეთა ჩართულობის გაზრდა არაფორმალურ აქტივობებში, ბიზნესისადმი ინტერესის გაზრდა და სხვადასხვა უნარების განვითარება.
კონკურსის ჟიურის წევრებმა გამოავლინეს მეორე ადგილის მფლობელი და, ამავდროულად, ჟიურის რჩეული გუნდი, რომლებსაც ასევე გადაეცათ კონკურსში მონაწილეობის სერტიფიკატები.