შპს მართვისა და კომუნიკაციის საერთაშორისო სასწავლო უნივერსიტეტი  „ალტერბრიჯი“, მართვისა და კომუნიკაციის ფაკულტეტზე  აცხადებს ღია კონკურსს აკადემიური თანამდებობების დასაკავებლად შემდეგ ვაკანსიებზე – პროფესორი, ასოცირებული პროფესორი, ასისტენტ-პროფესორი, ასისტენტი, დასაკავებლად მიმართულებების მიხედვით:

1. მიმართულება საზოგადოებასთან ურთიერთობა:

ა) პროფესორი – ორი ვაკანსია;

ბ) ასოცირებული პროფესორი – ორი ვაკანსია; 

გ) ასისტენტ-პროფესორი – ოთხი ვაკანსია;

დ) ასისტენტი – ოთხი  ვაკანსია.

2. Მიმართულება მენეჯმენეტი:

ა) პროფესორი – ორი ვაკანსია;

ბ) ასოცირებული პროფესორი – ორი ვაკანსია; 

გ) ასისტენტ-პროფესორი – სამი ვაკანსია;

დ) ასისტენტი – ორი ვაკანსია.

აკადემიური თანამდებობის დაკავების მსურველი უნდა აკმაყოფილებდეს შემდეგ საკონკურსო მოთხოვნებს:

პროფესორის აკადემიური თანამდებობის დასაკავებლად:

1. აკადემიური/სამეცნიერო ხარისხი – დოქტორის ან მასთან გათანაბრებული აკადემიური ხარისხი;
2. სამეცნიერო-პედაგოგიური მუშაობის არანაკლებ 6 წლის გამოცდილება;
3. აქტუალური სამეცნიერო პუბლიკაციები  – კონკურსანტის მიერ არჩეული შესაბამისი დარგის თემატიკით უკანასკნელი   10 წლის განმავლობაში შესრულებული და გამოქვეყნებული არანაკლებ ორი სამეცნიერო ნაშრომი/პუბლიკაცია.

ასოცირებული პროფესორის აკადემიური თანამდებობის დასაკავებლად:

1. აკადემიური/სამეცნიერო ხარისხი – დოქტორის ან მასთან გათანაბრებული აკადემიური ხარისხი;
2. სამეცნიერო-პედაგოგიური მუშაობის არანაკლებ 3 წლის გამოცდილება;
3. აქტუალური სამეცნიერო პუბლიკაციები – კონკურსანტის მიერ არჩეული შესაბამისი დარგის თემატიკით – უკანასკნელი 10 წლის განმავლობაში შესრულებული არანაკლებ ერთი სამეცნიერო ნაშრომი/პუბლიკაცია.

ასისტენტ–პროფესორი უნდა აკმაყოფილებდეს შემდეგ მოთხოვნებს:

1. გააჩნდეს დოქტორის ან მასთან გათანაბრებული აკადემიური ხარისხი;
2. სამეცნიერო-კვლევით სფეროში მუშაობის გამოცდილება.

ასისტენტი უნდა აკმაყოფილებდეს შემდეგ მოთხოვნებს: 

1. დოქტორანტის აქტიური სტატუსი.

პროფესიული ნიშნით აკადემიურ თანამდებობაზე შერჩევის კრიტერიუმებია:

პროფესორის, ასოცირებული, ასისტენტ-პროფესორის  და ასისტენტის თანამდებობაზე შეიძლება ასევე აირჩეს პირი, რომელსაც აქვს პროფესიული ნიშნით შესაბამისი კვალიფიკაცია, რაც უნდა დადასტურდეს პროფესიული გამოცდილებით, სპეციალური მომზადებით ან/და პუბლიკაციებით. პროფესიული ნიშნით თანამდებობაზე არჩეულ პირს უნდა გააჩნდეს არანაკლებ მაგისტრის ან მასთან გათანაბრებული აკადემიური ხარისხი და კომპეტენციის დამადასტურებელი სამუშაო გამოცდილება, შესაბამის დარგში გამოქვეყნებული პუბლიკაციები ან/და სპეციალური მომზადება.

კონკურსანტებს მოეთხოვებათ ინგლისური ენის ფლობა B2 დონეზე.

აკადემიური თანამდებობის დაკავების მსურველმა უნდა წარმოადგინოს შემდეგი საბუთები:

1. განცხადება კონკურსში მონაწილეობის შესახებ (როგორც ელექნტრონულად ასევე, ბეჭდური სახით) (იხ. დანართი N1);
2. კონურსანტის ანკეტა  ქართულ  ენაზე (როგორც ელექნტრონულად ასევე, ბეჭდური სახით) (იხ. დანართი N2);
3. პირადობის დამადასტურებელი მოწმობის ასლი;
4. 3×4 ზომის 2 ც. ფოტო;
5. ინგლისური ენის B2 დონეზე ფლობის დამადასტურებელი დოკუმენტი;
6. აკადემიური ხარისხის დამადასტურებელი დოკუმენტ(ებ)ის ასლი (უცხოეთში მიღებული კვალიფიკაცია აღიარებული უნდა იყოს სსიპ – განათლების ხარისხის განვითარების ეროვნული ცენტრის მიერ);
7. პედაგოგიური/ სამეცნიერო/ პროფესიული საქმიანობის გამოცდილების დამადასტურებელი დოკუმენტ(ბ)ი (შესაძლოა წარმოდგენილი იყოს შრომის წიგნაკის ჩანაწერების სახით);
8. საკონკურსო  თანამდებობის შესაბამისი დარგის სასწავლო კურსის სილაბუსი /სილაბუსები/ (ელექტრონული და ბეჭდური ფორმით);
9. მონაწილეობები სამეცნიერო კონფერენციებში, ექსპერიმენტებსა და ექსპედიციებში;
10. ადმინისტრაციული და აკადემიური თანამდებობები აკრედიტირებულ  უმაღლეს სასწავლებლებში;
11. სამეცნიერო უნივერსიტეტების საბჭოების, სარედაქციო კოლეგიების, კონფერენციების საორგანიზაციო კომიტეტის წევრობა, სექციის ხელმძღვანელობა და სხვა;
12. მიმართულების განვითარების კონცეფცია;
13. დოქტორანტის ხელმძღვანელობის დამადასტურებელი ცნობა ან დაცული დისერტაციისა თუ სამაგისტრო ნაშრომის სატიტულო გვერდი, ან სადისერტაციო საბჭოს/დეკანის მიერ დამოწმებული ამონაწერი შესაბამისი ოქმიდან;
14. სარედაქციო საქმიანობის დამადასტურებლად – შესაბამისი ჟურნალის რომელიმე ნომერი;
15. არსებობის შემთხვევაში დამატებითი დოკუმენტაცია – უკანასკნელი 10 წლის განმავლობაში გამოქვეყნებული შრომების ნუსხა, სახელმძღვანელოები, მონოგრაფიები, სტატიები გამოცემული სახით ან ასლები;
16. ნებისმიერი სხვა დოკუმენტაცია, რაც კონკურსანტს მისცემს საშუალებას დამატებითი კრიტერიუმებით შეფასდეს, მიღებული ჯილდოების დამატასტურებელი დოკუმენტები, სერტიფიკატები და სხვა.

აკადემიური თანამდებობის დაკავების მსურველთა საბუთების მიღება იწარმოებს 2020 წლის 10 დეკემბრიდან 2021 წლის  15 იანვრის ჩათვლით.

• კონკურსის პირველი ეტაპი  (საბუთების გადარჩევა) ჩატარდება 2021 წლის   17 იანვარს;
• კონკურსის მეორე ეტაპი (საკონკურსო კომისიის  მიერ კონკურსანტების გასაუბრება) ჩატარდება 2021 წლის 18 იანვარს;
• კონკურსანტების ტესტირება ინგლისურ ენაში (მათთვის ვისაც ინგლისური ენის ფლობის დამადასტურებელი დოკუმენტი არ აქვთ)  2021 წლის 20 იანვარს;
• კონკურსის შედეგები გამოცხადდება 2021 წლის 22 იანვარს.

საკონტაქტო ინფორმაცია კონკურსანტებისთვის

განცხადების მიღება წარმოებს ელექტრონულად:

ელ. ფოსტა: info@alterbridge.edu.ge

საკონტაქტო ნომერი:  555 554 093