სიახლეები

შეხვედრას უძღვებოდა პროექტის კოორდინატორი ორგანიზაცია – საქართველოს ტექნიკური უნივერსიტეტის ინსტიტუტი „ტექინფორმი“. ღონისძიებაში მონაწილეობდნენ კონსორციუმის ადგილობრივი წევრი ორგანიზაციის წარმომადგენლები.

უნივერსიტეტ ალტერბრიჯს შეხვედრაზე წარმოადგენდნენ: მაკო ჯაოშვილი – სტრატეგიული კომუნიკაციის სამაგისტრო პროგრამის ხელმძღვანელი, პროფესორი; ანა წიკლაური – კვლევითი დეპარტამენტის ხელმძღვანელი, ასისტენტ-პროფესორი და თამთა ჰაგერი – ალტერბრიჯის ასოცირებული პროფესორი.

ეროვნული შეხვედრის ფარგლებში, მონაწილეებმა შეაჯამეს პროექტის მიმდინარეობა, განიხილეს მომზადებული ანგარიშები, მიღწეული შედეგები და სამომავლოდ დაგეგმილი აქტივობები.

შეგახსენებთ, რომ ERIC-GE ევროკომისიის Erasmus+ CBHE 2025 პროგრამის გამარჯვებული პროექტია, რომელიც მიზნად ისახავს საქართველოს უმაღლეს საგანმანათლებლო სივრცეში კვლევისა და ინოვაციების გაძლიერებას, ასევე პარტნიორ უნივერსიტეტებში „მეცნიერებათმზომელობის“ (Scientometrics) კურსის დანერგვას.