სიახლეები

2022 წლის 1 ნოემბერს, 19:00 საათზე, ავსტრალიის ბიზნესისა და ტექნოლოგიების ეროვნული ინსტიტუტის და ალტერბრიჯის ერთობლივი პროგრამის: ,,პროექტის მართვა” პრეზენტაცია, ღია კარის დღე ალტერბრიჯში Guy De Fontgalland-მა ჩაატარა.

ღონისძიებაზე პროგრამით დაინტერესებულ პირებს ბატონმა Guy De Fontgalland-მა გააცნო პროგრამის უპირატესობები და პრივილეგიები საერთაშორისო დონეზე. შეხვედრაზე მოსულმა პირებმა, ინფორმაცია მიიღეს პროგრამის ხანგრძლივობის, კურიკულუმის და სხვა დეტალების შესახებ.  აღსანიშნავია, რომ აღნიშნული პროგრამა ექსკლუზიურად ხორციელდება საქართველოში უნივერსიტეტ ალტერბრიჯის ორგანიზებით.

პროექტის მართვის პროგრამა ითვალისწინებს მეთოდოლოგიურ, თეორიულ და პრაქტიკულ სწავლებას. სრული პროგრამის გავლის შემთხვევაში სტუდენტებს, დამატებით, სურვილის შემთხვევაში, ეძლევათ შესაძლებლობა გაიარონ სტაჟირება ავსტრალიის წარმატებულ ორგანიზაციებში და მიღებული ცოდნა გამოიყენონ პრაქტიკულ საქმიანობაში.

პროექტის მართვის პროგრამა მოიცავს ფუნდამენტურ ცოდნას, კრიტიკული მიდგომებით კომპლექსური პროექტების სამართავად კერძო, საჯარო და არასამთავრობო სექტორში დასაქმებულთა პროფესიული მომზადება- გადამზადებისთვის.

პროგრამის დასრულების შემდეგ ავსტრალიის ეროვნული ბიზნესისა და ტექნოლოგიების ინსტიტუტი (ANIBT) გასცემს ავსტრალიის მთავრობის შესაბამისი უწყების მიერ აკრედიტირებულ პროფესიული პროგრამის დიპლომს, რომელიც საერთაშორისოდ აღიარებულია.

შესაძლებელია სადიპლომო პროგრამა დაიყოს 3 და 6 თვიან სასერტიფიკატო სასწავლო კურსებად, რის დასრულებისთანავე გაიცემა უნივერსიტეტ ალტერბრიჯის და ავსტრალიის ბიზნესისა და ტექნოლოგიების ეროვნული ინსტიტუტის (ANIBT) მიერ ერთობლივი სერტიფიკატი.