ალტერბრიჯის სამეცნიერო კონფერენცია
მართვისა და კომუნიკაციის საერთაშორისო სასწავლო უნივერსიტეტი ,,ალტერბრიჯი“
ბაგები, წყნეთის გზატკეცილი, #67
მართვისა და კომუნიკაციის საერთაშორისო სასწავლო უნივერსიტეტი ,,ალტერბრიჯი“ მართავს რიგით მეორე სამეცნიერო კონფერენციას თემაზე: „ფსიქოლოგიის როლი მართვასა და კომუნიკაციაში“.
კონფერენციის მიზანია მეცნიერებმა, მკვლევრებმა, დარგის გამოცდილმა სპეციალისტებმა საჯაროდ იმსჯელონ მართვისა და საზოგადოებასთან კომუნიკაციის პროცესში ფსიქოლოგიური ასპექტების, მოტივების, ღირებულებების, ა.შ. მნიშვნელობაზე და გავლენებზე.
კონფერენციის ფარგლებში იმუშავებს დარგობრივი თემატური სექციები და გაიმართება სამუშაო შეხვედრები, დისკუსიები. კონფერენციაში მონაწილეობა შეუძლია უმაღლესი საგანმანათლებლო დაწესებულებების, კვლევითი ცენტრის/ინსტიტუტის აკადემიურ პერსონალს/მკვლევარს ახალგაზრდა მეცნიერებს და დარგის სპეციალისტებს შემდეგი მიმართულებებით: მასკომუნიკაცია, ფსიქოლოგია, ეკონომიკა და ბიზნესის ადმინისტრირება.
კონფერენციის სამუშაო ენა: ქართული.
მნიშვნელოვანი თარიღები
კონფერენციის ჩატარების დრო: 2-3 დეკემბერი, 2021 წელი / ან 9-10 დეკემბერი, 2021 წელი
თეზისების წარმოდგენის ბოლო ვადა: 1 ოქტომბერი, 2021 წელი
კონფერენციის საორგანიზაციო ჯგუფის დასტური კონფერენციაში მონაწილეობის შესახებ: 2021 წლის 15 ოქტომბრამდე.
მოხსენების/სამეცნიერო ნაშრომის წარმოდგენის ბოლო ვადა: 15 ნოემბერი, 2021 წელი
თეზისებში ნათლად უნდა იყოს გამოკვეთილი თემის აქტუალობა, სიახლე, მეთოდები და კვლევის შედეგები.
თეზისების გაფორმების წესი:
ფონტი: Sylfaen, Times New Roman
შრიფტის ზომა: 12
ინტერვალი: 1,5
მოცულობა: მაქსიმუმ 1 გვერდი (250 სიტყვა)
ენა: ქართული
მოხსენების/სამეცნიერო ნაშრომის სიტყვათა მაქსიმალური რაოდენობა: მაქს. 3000 სიტყვა.
ნაშრომი შესრულებული უნდა იყოს მართვისა და კომუნიკაციის საერთაშორისო სასწავლო უნივერსიტეტ ,,ალტერბრიჯის“ სამეცნიერო ნაშრომის შესრულების სტანდარტის მიხედვით (იხილეთ ბმული: https://bit.ly/2SEXOQd ).
ნაშრომი არ უნდა იყოს გამოქვეყნებული და არ უნდა იყოს წაკითხული სხვა კონფერენციაზე. მიიღება როგორც ინდივიდუალური, ასევე თანაავტორობით შესრულებული ნაშრომები. საორგანიზაციო ჯგუფის მიერ დადასტურებული ყველა თეზისი და მოხსენება/სამეცნიერო ნაშრომი გამოქვეყნდება მართვისა და კომუნიკაციის საერთაშორისო სასწავლო უნივერსიტეტ ,,ალტერბრიჯის“ საკონფერენციო მასალების კრებულში.
ყველა მომხსენებელს გადაეცემა კონფერენციაში მონაწილეობის დამადასტურებელი სერტიფიკატი.
კონფერენციის რეგლამენტი
მოხსენება – 20 წუთი;
მსჯელობა/დისკუსია -10 წუთი.
კონფერენციაში მონაწილეობის ფორმატი: მოხსენება, დაუსწრებლად მონაწილეობა.
კონფერენცია ჩატარდება ZOOM პლატფორმის მეშვეობით.
კონფერენციაში მონაწილეობა უფასოა.
გთხოვთ, კონფერენციაში მონაწილეობის შესახებ განაცხადი, თეზისები და მოხსენება/სამეცნიერო ნაშრომი გამოაგზავნოთ ელ-ფოსტაზე: alterbridgeconference2021@alterbridge.edu.ge
კონფერენციის ორგანიზატორი მართვისა და კომუნიკაციის საერთაშორისო სასწავლო უნივერსიტეტი ,,ალტერბრიჯი“.
დაინტერესებული პირები დარეგისტრირდით: https://bit.ly/3ncK8wx