გამოიცა ალტერბრიჯის სამეცნიერო ჟურნალის „თანამედროვე მეცნიერების გამოწვევები“ მესამე გამოცემა
მართვის და კომუნიკაციის საერთაშორისო სასწავლო უნივერსიტეტ „ალტერბრიჯის“ კვლევითი საქმიანობის ცენტრის ინიციატივით და ჩართულობით გამოიცა „ალტერბრიჯის“ სამეცნიერო ელექტრონული ჟურნალის „თანამედროვე მეცნიერების გამოწვევების“ მესამე ნომერი.
ჟურნალის მესამე გამოცემაში მკითხველს შეუძლია გაეცნოს, როგორც „ალტერბრიჯის“ აფილირებული/აკადემიური პერსონალის სტატიებს ბიზნესის ადმინისტრირების და ეკონომიკის, ასევე, კომუნიკაციის/მასკომუნიკაცი
ის მიმართულებით, ასევე, სხვადასხვა ორგანიზაციის მკვლევრების თუ დამოუკიდებელი მეცნიერების სტატიებს სამართალმცოდნეობის სფეროში.
სტატიაში იხილავთ „
ალტერბრიჯის“ რექტორის, ალტერბრიჯის აფილირებული პროფესორის, ნათია გოცაძის სტატიას – „საჯარო მოხელის პროფესიული განვითარების საკანონმდებლო ჩარჩო, შესაძლებლობები და პერსპექტივები საქართველოს სახელმწიფო სამსახურში“, ასევე „ალტერბრიჯის“ ვიცე-რექტორის, ალტერბრიჯის აფილირებული პროფესორის, მაკო ჯაოშვილის სტატიას – „სამოქალაქო აქტივობის გავლენა საზოგადოებრივ-პოლიტიკური ცხოვრების გაუმჯობესებაზე“.
აღსანიშნავია, რომ ალტერბრიჯის სამეცნიერო ჟურნალი არის რეცენზირებადი და ის გამოიცემა ყოველწლიურად, სადაც სტატიების გამოქვეყნება ქართულ და ინგლისურ ენებზე არის შესაძლებელი.
იხილეთ მესამე გამოცემის ბმული: https://journal.alterbridge.edu.ge/index.php/tcms