როგორ ვმართოთ ჩვენი ემოციები
2 დეკემბერს, გადაცემა „პოსტ ალიონის“ ეთერში ალტერბრიჯის რექტორმა, ტრენერმა, კომუნიკაციის ექსპერტმა ნათია გოცაძემ ისაუბრა თემაზე როგორ ვმართოთ ჩვენი ემოციები და ურთიერთობების დეფიციტით გამოწვეული პანიკური შეტევა. ნათია შეეხო ისეთ აქტუალურ საკითხებს როგორიცაა, გაურკვევლობის განცდით გამოწვეული შფოთვა და პანიკა, ემოციების მიმოცვლა, ფიქრების მართვა და პოზიტიური აზროვნება. მან უპასუხა გადაცემის წამყვანების შეკითხვებს, თუ რა გავლენა აქვს მედიის საშუალებით გავრცელებულ ნეგატიურ ინფორმაციას გუნება-განწყობაზე, განსაკუთრებით, პანდემიის პირობებში. ტელემაყურებელს გაუზიარა საკუთარი გამოცდილება როგორ მარტივად შეიძლება შიშის დაძლევა სიმშვიდის შენარჩუნებითა და ადამიანური ურთიერთობების გამოხატვით.