ბლოგი

პლატფორმა – ალტერ ბლოგი, შექმნილია ალტერბრიჯის სტუდენტებისთვის, სადაც მათ აქვთ შესაძლებლობა, გამოაქვეყნონ საკუთარი ბლოგი მრავალფეროვან საგანმანათლებლო და შემეცნებით თემებზე როგორც ქართულ, ასევე ინგლისურ ენაზე.

ბლოგის თემატიკა შესაძლოა მოიცავდეს სხვადასხვა კატეგორიებს, როგორიცაა: სპორტი, განათლება, სიახლეები/News, ხელოვნება, საერთაშორისო საკითხები, ლიტერატურა, ისტორია და სხვა.

ბლოგის გამოქყვენებამდე, ტექსტს სტილისტურად შეამოწმებს ქოფირაითერი, რათა გამართული და გრამატიკულად სწორი ტექსტის მიწოდება მოხდეს აუდიტორიისთვის.  სასურველია, სტუდენტებმა გადმოაგზავნოთ მოკლე ინფორმაცია თქვენს შესახებ, რომელიც დაერთვება თქვენ მიერ გამოქვეყნებულ ბლოგს.

ნამუშევარი უნდა გადმოგვიგზავნოთ ელექტრონულ მისამართზე: contact@alterbridge.org.ge

თუ თქვენ მიერ დაწერილი ბლოგი დააკმაყოფილებს ყველა კრიტერიუმს, გამოქვეყნების შესახებ თარიღს გაცნობებთ წინასწარ.

ბლოგის კრიტერიუმები და გამოქვეყნების წესები:

1. შეზღუდვები

ინსტიტუციის მიზნებიდან გამომდინარე, ჩვენთან გამოქვეყნებული ტექსტი უნდა აკმაყოფილებდეს შემდეგ შინაარსობრივ მოთხოვნებს:

• ტექსტის შინაარსი უნდა იყოს შემეცნებითი და საგანმანათლებლო.
• ტექსტში არ უნდა იკვეთებოდეს ავტორის შეხედულებები პოლიტიკური პარტიის თუ კონკრეტული პიროვნების მიმართ.
• ტექსტი არ უნდა შეიცავდეს სიძულვილის ენას და არ უნდა ფიქსირდებოდეს შეურაცხმყოფელი შეხედულება ნებისმიერი პიროვნების მიმართ.

ბლოგები  მიზნად ისახავს ადამიანებში სასიამოვნო და შემოქმედებითი განწყობის  შექმნას და განკუთვნილია ნებისმიერი ადამიანისთვის, რომელიც დაინტერესდება თქვენ მიერ გამოქვეყნებული ბლოგით. შესაბამისად, გთხოვთ, გაითვალისწინოთ ზემოთ აღნიშნული კრიტერიუმები/შეზღუდვები.

2. ტექსტის ფორმატი

• ტექსტი უნდა იყოს „Word“-ის ფორმატში;
• შრიფტი: Sylfaen
• შრიფტის ზომა: 11;
• ბლოგში მაქსიმალური სიტყვების რაოდენობა – 600
• სტრიქონებს შორის ინტერვალი – 1.5
• იმ შემთხვევაში თუ იყენებთ კონკრეტულ ლიტერატურულ მასალას, მიუთითეთ თქვენი ნაშრომის ბოლოს, ცალკე გვერდზე.
• წყაროს დამოწმება: წყაროს ავტორი, გამოცემის წელი და გვერდი .