სიახლეები

მართვისა და კომუნიკაციის საერთაშორისო სასწავლო უნივერსიტეტი ალტერბრიჯი მიმდინარე წლის 17 ივნისს განათლებისა და მეცნიერების სამინისტროს მიერ გამოცხადებული „ახალგაზრდა მეცნიერთა კვირეულის ფარგლებში“ ატარებს სტუდენტურ კონფერენციას თემაზე – ევროპული მომავალი, როგორც განვითარების ახალი შესაძლებლობა.

სტუდენტური კონფერენცია ეხმიანება „ახალგაზრდა მეცნიერთა კვირეულის“ კონცეფციას და მისი მიზანია სამეცნიერო-კვლევით პროცესებში სტუდენტებისა და ახალგაზრდა მკვლევრების ჩართულობის ხელშეწყობა, მათი ანალიტიკური და შემოქმედებითი უნარების გაძლიერება, ევროკავშირთან ინტეგრაციის შესახებ კვლევაზე დაფუძნებული მიგნებების გაზიარება.

კონფერენციის ძირითადი მიმართულებები:

· დეზინფორმაციასთან და არაკეთილსინდისიერ კომუნიკაციასთან ბრძოლის საშუალებები

· პასუხისმგებლობა და ეთიკურობა ციფრული ტექნოლოგიების ერაში

· ახალი საინფორმაციო-საკომუნიკაციო ტექნოლოგიები პოლიტიკურ კომუნიკაციაში

· ევროკავშირთან ურთიერთობის მიზნები, გამოწვევები და პერსპექტივები

მოცემული ჩამონათვალის გარდა, საკონფერენციო მოხსენებები შესაძლოა შეეხოს მიზანთან შესაბამის სხვა აქტუალურ საკითხებსაც.

კონფერენციაში მონაწილეობა შეუძლიათ როგორც ალტერბრიჯის, ასევე სხვა უმაღლესი საგანმანათლებლო დაწესებულებების ბაკალავრიატის, მაგისტრატურის და დოქტორანტურის საფეხურის სტუდენტებს.

კონფერენციაში მონაწილეობა უფასოა.

სამეცნიერო ნაშრომის შესრულების სტანდარტი იხილეთ ლინკზე: https://shorturl.at/gijN8

კონფერენციის თეზისები 12 ივნისამდე წარმოადგინეთ შემდეგ მეილზე: a.tsiklauri@alterbridge.edu.ge შეკითხვების შემთხვევაში დაგვიკავშირდით 568 77 25 69;