სიახლეები

უნივერსიტეტ ალტერბრიჯსა და აბიტურიენტთა და სკოლის მოსწავლეთა მოსამზადებელ ცენტრ „ფილომატესს“ შორის ახალი სტრატეგიული პარტნიორობა იწყება.

თანამშრომლობა კიდევ ერთი მნიშვნელოვანი ნაბიჯია განათლების ხარისხის გაუმჯობესებისა და ახალგაზრდებისთვის ახალი საგანმანათლებლო შესაძლებლობების შექმნის მიმართულებით.

პარტნიორობის ფარგლებში ორი ორგანიზაციის გამოცდილება და რესურსები გაერთიანდება, რათა მოსწავლეებსა და აბიტურიენტებს ხელი შეეწყოთ ცოდნის გაღრმავებაში, პროფესიული ინტერესების აღმოჩენასა და საკუთარი საგანმანათლებლო გზის გააზრებულად დაგეგმვაში.

ალტერბრიჯი ახალგაზრდების მხარდაჭერისთვის

უნივერსიტეტი ალტერბრიჯი ყოველწლიურად ახორციელებს სხვადასხვა სოციალურ და საგანმანათლებლო აქტივობას ახალგაზრდების მხარდასაჭერად.

მათ შორისაა იმიტირებული გამოცდების ორგანიზება, პიროვნული და პროფესიული განვითარების ტრენინგები, ასევე ალტერბრიჯის მიერ დაფინანსებული მოსამზადებელი შეხვედრების ციკლი საგამოცდო საგნებში, რომელსაც გამოცდილი და წამყვანი პედაგოგები უძღვებიან.

ახალი სტრატეგიული პარტნიორობა კიდევ უფრო გააძლიერებს აღნიშნულ მიმართულებას და შექმნის დამატებით შესაძლებლობებს სკოლის მოსწავლეებისა და აბიტურიენტებისთვის.

თანამშრომლობის მიზანია, ახალგაზრდებს ჰქონდეთ მეტი წვდომა ხარისხიან საგანმანათლებლო რესურსებზე, მიიღონ საჭირო ცოდნა და მხარდაჭერა და უფრო მომზადებულები შეხვდნენ საკუთარი მომავალი პროფესიული და საგანმანათლებლო გზის არჩევას.

ჩვენ გვჯერა, რომ ძლიერი განათლება იწყება სწორი პარტნიორობით.