სიახლეები

ჩემი წილი ალტერბრიჯი

გაიცანით ჩვენი მაგისტრი, ალტერბრიჯელი ირაკლი ბახტაძე, რომლითაც უნივერსიტეტი მართლაც ძალიან ამაყობს.

ირაკლიმ 2024 წელს წარმატებით დაასრულა სწავლა და გვიყვება ალტერბრიჯში საკუთარი თავგადასავლის შესახებ

“ ირაკლი ბახტაძე- საზოგადოებასთან ურთიერთობის მაგისტრი!

ალტერბრიჯი ის ადგილია, სადაც ადამიანი ახერხებს საკუთარი თავისა და შესაძლებლობების რეალიზებას, სადაც სტუდენტური წლები, რეალურად, სასიამოვნოდ დასამახსოვრებელია მისი გარემოც.

მთავარი, რასაც ჩვენი უნივერსიტეტის მომავალ სტუდენტებს ვურჩევდი ეს არის: იყვნენ თავდაჯერებულები, რადგან ყველაზე მნიშვნელოვანი არის – ვირწმუნოთ საკუთარი თავის. ასევე ვურჩევდი, არ შეუშინდნენ ცხოვრებისეულ სირთულეებს და ახალ გამოწვევებს, რადგან ისინი ჩვენ უფრო გვაძლიერებენ.

იყავით აქტიურები და გამოიყენეთ ყველა შანსი თუ შესაძლებლობა, რასაც ცხოვრების ესა თუ ის ეტაპი იძლევა.

დარწმუნებით შემიძლია ვურჩიო აბიტურიენტებს და სტუდენტებს, როგორც საბაკალავრო, ისე სამაგისტრო საფეხურზე სწავლის მსურველებს ალტერბრიჯში სწავლის გაგრძელება. აქ, თქვენ მიიღებთ ფუნდამენტურ ცოდნას, რომელსაც გამოიყენებთ პრაქტიკაში და შეძლებთ ღირსეული ადგილი დაიკავოთ პროფესიონალთა შორის.

უნივერსიტეტში თქვენ გელით გამოცდილი, სტუდენტების განვითარებაზე ორიენტირებული ლექტორები, რომლებიც შემოგთავაზებენ საინტერესო ლექციებს, მრავალფეროვან, სასარგებლო ფორმალურ და არაფორმალურ შეხვედრებს, თანამედროვე მეთოდებზე, კვლევებზე დაფუძნებულ ცოდნას და საინტერესო სტუდენტურ ცხოვრებას.”

ირაკლი, ალტერბრიჯს ძალიან უყვარხარ!